ഒരു കാര്യം പറയാന്‍ മറന്നു, "ലോക വനിതാദിനാശംസകള്‍...!!!..."''...

ഇറുകിയ വസ്ത്രം ഇട്ടാല്‍ പീഡനം.സാരി ഉടുത്താലും പീഡനം,പര്‍ദ്ദ ഇട്ടാല്‍ പോലും പീഡനം,അപ്പൊ വസ്ത്രം അല്ല പ്രശ്നം.




ഇരുപതു വയസ്സുകാരിക്ക് പീഡനം, എഴുപതുകാരിക്കും പീഡനം, മൂന്ന്‍ വയസ്സുകാരിക്ക് പോലും പീഡനം, അപ്പൊ പ്രായവും അല്ല പ്രശ്നം




സുന്ദരിയായാല്‍ പീഡനം, വിരൂപക്കും പീഡനം, മന്ദബുദ്ധിക്കു പോലും പീഡനം, അപ്പോള്‍ അതും അല്ല പ്രശ്നം




അയല്‍ക്കാരിക്ക് പീഡനം, ബന്ധുവിനും പീഡനം, സ്വന്തം മകള്‍ ആയാലും പീഡനം, അപ്പൊ ബന്ധവും അല്ല പ്രശ്നം

കയ്യില്‍ കിട്ടിയ പ്രതികളെ കല്ലെറിഞ്ഞു കൊല്ലാതെ ഉമ്മ കൊടുത്തു ജയിലില്‍ സുഖവാസത്തിനു വിട്ടിരിക്കുന്ന ഭരണാധികാരികള്‍ക്കാണോ പ്രശ്നം?

നല്ലത് പറഞ്ഞു കൊടുക്കാതെ മക്കളെ ഇങ്ങനെ വൃത്തി കെട്ടവന്മാര്‍ ആക്കുന്ന മാതാപിതാക്കള്‍ക്കണോ പ്രശ്നം?

തൊട്ടടുത്തിരിക്കുന്ന പെണ്ണിനെ പീടിപ്പിക്കുമ്പോള്‍ കയ്യും കെട്ടി ഇരിക്കുന്ന മൂക്കിനു താഴെ രോമം വളര്‍ത്തിയ നപുംസകങ്ങള്‍ക്കാണോ പ്രശ്നം?

അതോ പീഡനം വെറും വാര്‍ത്തയായ ഈ കാലത്ത് ഇരുന്നു അതിനെ പറ്റി എഴുതുന്ന എനിക്കാണോ ഇനി പ്രശ്നം???


അയ്യോ, ഒരു കാര്യം പറയാന്‍ മറന്നു ട്ടോ...

-"ലോക വനിതാദിനാശംസകള്‍...!!!...,....!!!''

കടപ്പാട്: ഏതോ ഫേസ്ബുക്ക്‌ പേജിന്... :)

ബ്രേക്കിംഗ് ന്യൂസിന് കാത്തു നില്‍ക്കാതെ, ചിന്തിക്കുക, പ്രതികരിക്കുക...

"കാമം ജനിപ്പിക്കും കണ്ണുകളില്ല,

വടിവൊത്ത മേനിയില്ല,

നെഞ്ചില്‍ മാര്‍ദവമായ പാല്‍ക്കുടങ്ങളില്ല,

താളം തുള്ളും നിതംബമില്ല,

എന്നിട്ടും...

വേട്ടനായ്ക്കള്‍ ­ അവളെ കടിച്ചു തുപ്പി...

അവള്‍ക്ക് വേണ്ടി പ്രതിഷേധമില്ല,

ഫേസ്ബുക്കില്‍ കറുത്ത പൊട്ടുകളില്ല,

തലസ്ഥാനം സ്തംഭിക്കും പ്രകടനമില്ല,

സ്ത്രീവാദികളുടെ വിലാപമില്ല,

ചാനലുകളില്‍ ചര്‍ച്ചയില്ല,

കാരണം...

അവള്‍ നാടോടിയത്രേ...

തെരുവിന്‍റെ മകളത്രേ...

കണ്ണ് നീര്‍ പൊഴിക്കാന്‍ അവളുടെ അമ്മ മാത്രം..."

#തിരൂര്‍ സംഭവം

വരികള്‍ - അലി വളാഞ്ചേരി.

ഈ കുട്ടിയുടെ അമ്മക്ക് അല്ലേല്‍ അച്ഛന് തിരൂര്‍ മണ്ഡലത്തില്‍ വോട്ട് ഇല്ല.
പിന്നെ അച്ഛന്‍റെ ജാതി ഏതാണ് എന്ന് അങ്ങേര്‍ക്കു പോലും അറിയില്ല, രാഷ്ട്രീയ പാര്‍ട്ടി ഇല്ല, തിരിച്ചറിയല്‍ കാര്‍ഡ് പോലും ഇല്ല...
അതുകൊണ്ട് ഇത്തരം ഒരു സംഭവം നടന്നതായി ന്യൂസ്‌ വന്നതില്‍ ആശ്വസിക്കാം.
സാന്ത്വനമേകാന്‍ കവിത അയച്ചു കൊടുക്കാന്‍ അഡ്രെസ്സ് പോലും ഇല്ലാത്ത സ്ഥിതിക്ക് കേരളത്തിലെ കവയിത്രികള്‍, ഫേസ്ബുക്ക്‌ സാംസ്‌കാരിക നായകന്മാര്‍ മിണ്ടാതിരിക്കും. അത് സ്വാഭാവികം മാത്രം.

[ഇത്രയും പറഞ്ഞത് ഫേസ്ബുക്കില്‍ പലയിടത്തായി കേട്ട മതം]

കേഴുക കേരളമേ, "രതി" എന്തെന്നറിയാത്ത, തെരുവ് വിളക്കിന്‍ കീഴിലെ ഉറക്കത്തില്‍ കളിപ്പാട്ടം സ്വപ്നം കണ്ട തെരുവ് ബാലികയെ ഇരുളിലാഴ്ത്തിയവന്‍റെ ആത്മരതിയുടെ രോമാഞ്ചത്തെ ഓര്‍ത്ത്...
ആണെന്നാല്‍ "സംരക്ഷണം നല്‍കുന്ന അച്ഛന്‍:"'' എന്ന് മാത്രം അറിയുന്ന മൂന്നര വയസ്സിന്‍റെ ഇളപ്പത്തിനെ ആറരയിഞ്ചിന്‍റെ ആണത്തം അറിയിച്ചതില്‍ അഭിമാനിക്കുക മലയാളികളെ...
നമുക്ക് ചര്‍ച്ച ചെയ്യാം, മന്ത്രിമന്ദിരത്തിലെ ലീലകളെ കുറിച്ച്, വായില്‍ എല്ലില്ലാത്ത ചീഫ്-വിപ്പിന്‍റെ പൊ---യാട്ടിനെ കുറിച്ച്, വരാന്‍ പോകുന്ന വിമാനതാവളത്തെ കുറിച്ച്, ക്രിക്കറ്റിനെ കുറിച്ച്, ഉയരുന്ന പെട്രോള്‍ വിലയെ കുറിച്ച്, അന്താരാഷ്‌ട്ര സമാധാനത്തെ കുറിച്ച്, ഇന്നത്തെ റിലീസ് സിനിമയെ കുറിച്ച് ...
ഓര്‍ക്കുക, നിനക്കും ഒരു മകള്‍ ജനിച്ചേക്കാം...
നിനക്കൊരു സഹോദരി ഉണ്ടാകാം...
നിന്‍റെ ജീവിതം പകുത്തു നല്‍കാന്‍ ഒരു ഭാര്യ വന്നേക്കാം...
ഇവയൊന്നും ഇല്ലെങ്കിലും നിന്നെ ജനിപ്പിച്ച ഒരമ്മ നിനക്കില്ലേ???
അവരെ നീ ഏതു കൂട്ടില്‍ അടച്ച് സംരക്ഷിക്കും???

ബ്രേക്കിംഗ് ന്യൂസിന് കാത്തു നില്‍ക്കാതെ, ചിന്തിക്കുക, പ്രതികരിക്കുക...

കണ്ണ് നനയിക്കുന്ന 'സെല്ലുലോയ്ഡ്‌'...

2 വര്‍ഷങ്ങള്‍ക്കു മുന്‍പുള്ള ഒരു സാധാരണ ദിവസം...
കോളേജ് മാഗസിന്‍റെ എഡിറ്റര്‍ ആയ കുട്ടി (സോറി, ഞാന്‍ പേര് മറന്നു!!!) വന്ന് ഒരു കാര്യം പറഞ്ഞു.
സിനിമാ സംവിധായകന്‍ കമലുമായി ഒരു അഭിമുഖം വേണം, അതും അന്ന് തന്നെ...
കമലിന്‍റെ സുഹൃത്തിന്റെ മകള്‍ വഴി അഭിമുഖത്തിനുള്ള സമയം അനുവദിച്ചു കിട്ടിയിട്ടുണ്ട്.
എനിക്ക് അന്ന് പ്രോജക്റ്റ് റിവ്യൂ ആണ്.
അത് കഴിഞ്ഞു നേരെ പോകണം.
ചോദ്യങ്ങള്‍ തയ്യാറാക്കാന്‍ പോലും സമയം ഇല്ല.
പക്ഷെ, കമലിനെ അടുത്ത് കാണാന്‍ കിട്ടിയ ചാന്‍സ് വിട്ടു കളയാനും തോന്നുന്നില്ല.
ഇതിനു മുന്‍പ് ഐസ് ക്രീം പാര്‍ലര്‍ കേസിലെ റെജീനയും സുകുമാര്‍ അഴീക്കോടും അടക്കം ഒരുപാട് മുഖങ്ങള്‍ എന്‍റെ മുഖാമുഖം ഇരുന്നു ചോദ്യങ്ങള്‍ നേരിട്ടിട്ടുണ്ട്.
ആ ഒരു ധൈര്യം മാത്രമേ കൈമുതലായുള്ളൂ.
അങ്ങനെ ഞാനും സുഹൃത്ത് രൂപക്കും കൂടി ആ ദൌത്യം ഏറ്റെടുത്തു.
ഫോട്ടോ എടുക്കാന്‍ ജാനെറ്റ് കാമറയും തന്നു.

ഉച്ചക്ക് മുന്‍പ് കോളേജിലെ പരിപാടി എല്ലാം തീര്‍ത്തു ഞങ്ങള്‍ കൊടുങ്ങല്ലൂരുള്ള കമലിന്‍റെ വീട്ടിലേക്ക്...
അവിടെ എത്തിയപ്പോള്‍ അദ്ദേഹം വീട്ടില്‍ നിന്നും പുറത്തിറങ്ങാന്‍ തുടങ്ങുന്നു.

പരമാവധി ഒരു 20 മിനുട്ട് തരാം എന്നും ചോദ്യങ്ങള്‍ ബോര്‍ ആണെങ്കില്‍ അതും തരില്ല എന്നും നിബന്ധന വച്ച് കൊണ്ട് അഭിമുഖം ആരംഭിച്ചു.

30 വര്‍ഷം നീണ്ട സിനിമാ ജീവിതത്തെ എങ്ങനെ തിരിഞ്ഞു നോക്കുന്നു എന്നാ ചോദ്യത്തിനെ ഇത്തിരി പുച്ഛത്തോടെ "ഞാന്‍ പുറകോട്ടു തിരിഞ്ഞു നോക്കാറില്ല" എന്നാ മറുപടിയോട് കൂടി ഉത്തരം ആരംഭിച്ചു.
ചോദ്യം മടുപ്പിക്കുന്നു എന്ന് തോന്നിയ ഞങ്ങള്‍ ചുവട് മാറ്റി.
മലയാള സിനിമയുടെ ചരിത്രത്തെ കുറിച്ചുള്ള ചോദ്യങ്ങള്‍ വന്നതോടെ അദ്ദേഹം ഉഷാര്‍.....,.
അന്ന് അദ്ദേഹം ആവേശത്തോടെ ഒരു സ്വപ്നത്തെ കുറിച്ച് സംസാരിച്ചു.
അദ്ധേഹത്തിന്റെ വാക്കുകള്‍ അനുസരിച്ച്, ആ കഥ ഞങ്ങളോടാണ് ആദ്യമായി ചര്‍ച്ച ചെയ്യുന്നത്.
മലയാള സിനിമ ചരിത്രത്തെ രേഖപ്പെടുത്തുന്ന ഒരു ചിത്രം.
ആ ആവേശം പിന്നീട് 'സെല്ലുലോയ്ഡ്' എന്നാ പേരില്‍ ചലച്ചിത്രം ആകുന്നത് മാധ്യമങ്ങളിലൂടെ അറിഞ്ഞു.
ഒരു സ്വകാര്യ ചടങ്ങിനിടെ അതിന്‍റെ ചില അണിയറ പ്രവര്‍ത്തകരെ കണ്ടപ്പോള്‍ അവരും വളരെ ഊര്‍ജവും ഉണര്‍വും പ്രകടിപ്പിച്ചു.
എന്റെ ഒരു ഫേസ്ബുക്ക്‌ സുഹൃത്തും സിനിമാ ആസ്വാദകന്‍ എന്നാ നിലക്ക് ഒരുപാട് ശ്രദ്ധ പിടിച്ച്‌ പറ്റുകയും ചെയ്ത സിനിമാ പാരദൈസോ തന്സീര്‍ എന്നാ തന്സീറിക്ക സംവിധാന സഹായി ആയ ചിത്രം എന്ന നിലക്കും ഈ ചിത്രം എനിക്ക് പ്രിയപ്പെട്ടതാണ്.
ഇന്നലെ ആ ചിത്രം റിലീസ് ആകുകയും ഒരു പാട് അഭിനന്ദനങ്ങള്‍ കമല്‍ സാറിനും പ്രിത്വിരാജിനും നേരെ ചൊരിയുകയും ചെയ്യുമ്പോള്‍. ഒരു പാട് സന്തോഷം.
പിന്നെ, കുറ്റം പറയരുതല്ലോ.
യാതൊരു സിനിമാറ്റിക് ജാടകളും ഇല്ലാത്ത ഒരു പാവം ആയ അദ്ദേഹം ഏകദേശം ഒന്നര മണിക്കൂറോളം ഞങ്ങളുടെ ചോദ്യങ്ങള്‍ക്ക് മറുപടി തന്നു.
എന്റെ ജീവിതത്തില്‍ ഇതിലും നല്ലൊരു അഭിമുഖം ഇനി നടത്താന്‍ പറ്റില്ല എന്ന് ഉറപ്പാണ്.
ആ കോളേജ് മാഗസിന്‍ ഇറങ്ങിയില്ല, പക്ഷെ ഞാന്‍ ഇന്നും മനസ്സ് കൊണ്ട് എന്‍റെ ജൂനിയേഴ്സിനോട് നന്ദി പറയുന്നു, കാരണം ചരിത്രത്തില്‍ രേഖപ്പെടുത്താന്‍ പോകുന്ന ഒരു സിനിമയുടെ കഥ ആദ്യം കേള്‍ക്കാന്‍ അവസരം തന്നതിന്, പിന്നെ കമല്‍ എന്ന സെലിബ്രിട്ടിയെ എന്‍റെ മുന്നില്‍ ഉത്തരം പറയാന്‍ ഇരുത്തി തന്നതിനും...
ഏറെ അഭിനന്ദനങ്ങള്‍ ഏറ്റു വാങ്ങി മുന്നേറുന്ന സെല്ലുലോയ്ഡ്‌ എന്ന ചിത്രത്തിന് എല്ലാ ആശംസകളും...

കാഴ്ച്ചക്കാരോട്: നിങ്ങള്‍ സിനിമയെ സ്നേഹിക്കുന്നുവെങ്കില്‍, പറയപ്പെടാതെ പോയ തിരിച്ചറിയേണ്ട ഈ ചരിത്രം കാണുക...

നിങ്ങളുടെ കണ്ണ് നിറയും, തീര്‍ച്ച...!!!

എഞ്ചിനീയറിംഗ്, ചില അപ്രിയ സത്യങ്ങള്‍...,...

എഞ്ചിനീയറിംഗ് ജീവിതത്തിലൂടെ ഞാന്‍ പഠിച്ച ചില TECHNICAL സത്യങ്ങള്‍:-


1)എല്ലാ സെമ്മിലും ഉയര്‍ന്ന മാര്‍ക്കോടെ ഫുള്‍പാസ്സ് ആവുന്ന തലകള്‍ വാസ്തവത്തില്‍ വെറും പൊട്ട തേങ്ങകളാണ്, കാമ്പുള്ള തലകള്‍ മിനിമം ഒരു സപ്ലി എങ്കിലും അടിച്ചിരിക്കും...


2)സ്വന്തം ബ്രാഞ്ചില്‍ GIRLS ഇല്ലാത്തതിന്‍റെ വിഷമം മാറ്റാനാണ് MECHANICAL കാര്‍ ROYAL MECH എന്ന് സ്വയം വിശേഷിപ്പിക്കുന്നത്...


3)വായ്നോക്കികളെ ക്ലാസ്സില്‍ കയറ്റാന്‍ വേണ്ടിയാണു കാണാന്‍ കൊള്ളാവുന്ന മിസ്സ്മാരെ ഗസ്റ്റ്‌ ലക്‌ചറര്‍ ആയി നിയമിക്കുന്നത്...

4)ക്യാമ്പസ്‌ രാഷ്ട്രീയത്തില്‍ ഇറങ്ങുന്നവരുടെ പ്രധാന ലക്ഷ്യം എളുപ്പത്തില്‍ ഒരു സര്‍ക്കാര്‍ ജോലിയാണ്, അതും സപ്ലിയുടെ എണ്ണം വകവെക്കാതെ...

5)ഹോസ്റ്റലില്‍ താമസിക്കുന്നവര്‍ ജീന്‍സ് പാന്‍റ് മിനിമം ഒരാഴ്ച്ചയും ഷര്‍ട്ട്‌ മൂന്ന് ദിവസവും അലക്കാതെ ധരിക്കുന്നതാണ്.(സ്വന്തം DRESS ആവണമെന്നില്ല)

6)JUST PASS MARK ആഗ്രഹിക്കുന്നവര്‍ EXAM നു ദിവസങ്ങള്‍ക്ക് മുന്‍പ്‌ മാത്രമേ ബുക്ക്‌ തോടുന്നുള്ളൂ....
ഉദാഹരണത്തിന്: MECH:-1 ദിവസം, CIVIL:- 2 ദിവസം, ELECTRONICS:- 3 ദിവസം, ELECTRICAL:- 4 ദിവസം, COMPUTER:- 3 ദിവസം

7)എല്ലാ ബാച്ചിലും കുറച്ച് GIRLS ഉണ്ട്,FIRST YEAR ആകുമ്പോ കോളേജില്‍ ഒന്നടങ്കം FAMOUS ആയിരിക്കും.
പിന്നീട് RATING ഇടിഞ്ഞ് FORTH YEAR ആവുമ്പോഴെക്കും ഒരു പട്ടിക്കും വേണ്ടാത്ത അവസ്ഥ ആവും...

8)B.Tech സര്‍ട്ടിഫിക്കറ്റ്‌ കയ്യില്‍ കിട്ടിയതിനു ശേഷം മാത്രമാണ് യഥാര്‍ത്ഥ ENGINEERING പണി എല്ലാരും പഠിക്കുന്നത്...

9)SYLLABUS കമ്പ്ലീറ്റ്‌ COVER ചെയ്തിട്ട് ഇന്നേ വരെ ആരും ഒരു UNIVERSITY EXAM ഉം എഴുതിയിട്ടില്ല...

10)QUESTION എന്ത് തന്നെ ആയാലും ഒരു B.Tech കാരന് എഴുതാന്‍ അവന്‍റെതായ ഒരു ANSWER ഉണ്ടായിരിക്കും...

11)ASSIGNMENT,SEMINAR,NOTE,PROXY തുടങ്ങിയവക്ക് വേണ്ടിയാണ് ക്ലാസ്സിലെ GIRLSനെ തീറ്റി പോറ്റുന്നത്...

12)LAPTOP പോലെ MOBILE പോലെ, കാഷ് കൊടുത്തു വാങ്ങാവുന്ന സാധനങ്ങളാണ് MINI PROJECT ഉം MEGA PROJECT ഉം..,

13)കേരളത്തിലെ 75% B.Tech വിദ്യാര്‍ഥികളും ആഗ്രഹിക്കുന്ന പ്രൊഫഷന്‍ ENGINEERING അല്ല.വെറും ഒരു DEGREE എന്ന നിലയില്‍ മാത്രമേ അവര്‍ അതിനെ കാണുന്നുള്ളൂ...

ഇനിയും പറയണമെന്നുണ്ട്, തല്‍ക്കാലം നിര്‍ത്തുന്നു.അപ്രിയ സത്യങ്ങള്‍ വെളിപ്പെടുത്തരുത് എന്നാണല്ലോ... :) :) :)

[ഇത് ഏതോ സുഹൃത്ത്‌ തന്നതാണ്, ആരുടേതാണ് എന്ന് അറിയാത്തോണ്ടാണ് കടപ്പാട് വക്കാത്തത്]

മുഖപുസ്തകം...

"ക്ഷമിക്കണം സോദരി, ഞങ്ങള്‍ 
ഉപരിവര്‍ഗ വിപ്ലവത്തിന്റെ തിരക്കിലാണ്..
എങ്കിലും, മുഖപുസ്തകത്തില്‍ ..
നിന്റെ മാനത്തിന് വില പറയുന്നവരെ 
ഞങ്ങള്‍ അശ്ലീല കമന്റുകള്‍ പറയാം,
അവര്‍ക്ക് നേരെ വാക്പയറ്റും, പിന്നെ - 
ഒരുപാട് ചര്‍ച്ചകളിലവരെ പ്രതികള്‍ ആക്കാം...

രണ്ടു നാള്‍ മാത്രം ഞങ്ങള്‍ക്കവരെ വേണം
വേട്ടയാടാനും, കപട സംസ്കാരത്തിലൂന്നി 
രക്തം തിളയ്ക്കുവാനും, തിളപ്പിയ്ക്കുവാനും...
പിന്നെ അടുത്ത ഇരയ്ക്കായി ഞങ്ങള്‍ കാത്തിരിയ്ക്കും...

അണ്ണാ ഹസാരെയിലും , സമരത്തിലും 
പിന്നെയൊരു മുല്ലപ്പെരിയാറിലും 
ഞങ്ങളുടെ വിപ്ലവവീര്യം അണപോട്ടിയിരുന്നു....

പാടിമുഷിഞ്ഞ കഥകള്‍ മടുക്കുമ്പോള്‍ ,
ഞങ്ങളാ പഴയ 
സ്റ്റാറ്റസ്കളിലും , ലൈക്കുകളിലും 
പിന്നെ അല്പം കമന്റുകളിലും ഒതുങ്ങി കൂടും..

അച്ഛന്റെ മരണം പോസ്റ്റ്‌ ചെയ്തു ഞങ്ങള്‍ 
അമ്മയെയും, പെങ്ങളെയും ടാഗ ചെയ്യും
അതിന്റെ കമന്റുകളില്‍ ഞങ്ങള്‍ 
ദുഃഖം പരസ്പരം പങ്കു വെയ്ക്ക്യം..

അയ്യോ, എഴുതാന്‍ ഇനി സമയം ഇല്ല...
ഒരു സുന്ദരി ഇപ്പോള്‍ പുതിയ സ്റ്റാറ്റസ് ഇട്ടു
ഞാനതിനൊന്നു ലൈക്‌ ചെയ്യട്ടെ..
പിന്നെയൊരു കമന്റും, പറ്റിയാല്‍ ഒരല്പം ചാറ്റിങ്ങും....

ക്ഷമിക്കണം സോദരി, ഞങ്ങള്‍ 
ഉപരിവര്‍ഗ വിപ്ലവത്തിന്റെ 
തിരക്കിലാണ്......"

ദി കിംഗ്‌ ബ്ലോഗ്ഗര്‍...,...

"ബ്ലോഗര്‍","
ആ പദവിയുടെ അര്‍ത്ഥമെന്താണന്ന് അറിയുമോ നിനക്ക് ?
അതറിയണമെങ്കില്‍ ആദ്യം ബ്ലോഗെന്തെന്നറിയണം, ബ്ലോഗേര്‍സ് ആരെന്നറിയണം.
ബസ്സ്‌ സ്റ്റോപ്പ്‌ ചുമരുകളില്‍ കരിക്കട്ട കൊണ്ട് എഴുതിക്കൂട്ടിയ നീ കണ്ട സാഹിത്യമല്ല യഥാര്‍ത്ഥ ബ്ലോഗ്‌.
ലക്ഷകണക്കായ കവികളുടെയും കലാകാരന്‍മാരുടെയും ബ്ലോഗ്‌..,.
അനോണികളുടെയും സനോണികളുടെയും ,പാവപ്പെട്ട കമന്റുര്‍മാരുടെയും ബ്ലോഗ്‌.,ഫേസ്ബുക്കന്‍മാരുടെയും ,ഗൂഗിള്‍ പ്ലസ്സന്മാരുടെയും ബ്ലോഗ്‌.,.
വിവാദങ്ങളുണ്ടാക്കി കമന്റുകളുടെ എണ്ണം കൂട്ടുന്നവരുടെ ബ്ലോഗ്‌.,.
പെണ്ണിന്റെ പേര് വച്ച് വരുന്ന ബ്ലോഗിനു കമന്റ് നു നീളം കൂടിയതിനു കൂട്ടം കൂടി ആക്രമിച്ചു ഒറ്റപ്പെടുത്തുന്നവുരുടെ ബ്ലോഗല്ല,.
നല്ല നല്ല പോസ്റ്റുകള്‍ എഴുതി, നശിച്ചു പോകുന്ന വായനയെ തിരിച്ചു പിടിക്കാന്‍ ജോലിക്കിടയില്‍ ബോസ്സ് കാണാതെ പോസ്റ്റ്‌ എഴുതുന്നവരുടെ ബ്ലോഗ്‌,.
ഇപ്പോള്‍ നീ കളിയാക്കിയില്ലേ, എന്നെപ്പോലെയുള്ളവരുടെ ത്യാഗത്തിന്റേയും നൊമ്പരത്തിന്റേയും ബ്ലോഗ്‌..
ബ്ലോഗ്‌ എന്ന മഹാ പ്രസ്ഥാനത്തിന്റേ സോള്‍ ആത്മാവ്‌, അതറിയണമെങ്കില്‍ ,എന്നും അടുക്കളയിലും ടി വിക്കും മുമ്പില്‍ സമയം കളയുന്ന നിന്നെപ്പോലത്തെ വീട്ടമ്മമാര്‍ക്കും തരുണീമണികള്‍ക്കും ശീട്ട് കളിച്ചും കള്ള് കുടിച്ചും സമയം കളയുന്ന പുരുഷ സിങ്കങ്ങള്‍ക്കും ബ്ലോഗു വായിക്കാനുള്ള സെന്‍സുണ്ടാവണം സെന്‍സിബിലിറ്റിയുണ്ടാവണം,സെന്‍റെര്‍ ബോള്‍ട്ട് ഉണ്ടാകണം...

[കടപ്പാട് : ഫൈസല്‍ ബാബു.]

പതിമൂവായിരം പേര്‍ക്കൊരു സിലിമാ പിടിക്കണം...!!!!

ഈ ക്രിസ്തുമസ് എന്നെ സംബന്ധിച്ചിടത്തോളം വളരെ പ്രാധാന്യമേറിയതാണ്...
ഒരുപാട് സന്തോഷം നല്‍കുന്നതാണ്...
കാര്യം മറ്റൊന്നും അല്ല, ഞാനും കൂടി ചേര്‍ന്ന ഇമ്മിണി ബല്യൊരു സംഘം ആളുകള് ചേര്‍ന്നൊരു സിലിമാ പിടിച്ചു തൊടങ്ങി...
ഹൈ, തമാശ അല്ലിഷ്ടാ, സംഭവം കലക്ക്ണ്ട്...
ഒരു 3000 പേരടങ്ങിയ ഒരു ഗ്രൂപ്പ് ഉണ്ട്, ഫേസ്ബുക്കില്‍...,...
അത് പിന്നെ എണ്ണം കൂടി എണ്ണം കൂടി ഇപ്പൊ 13,000 എത്താറായി...
സ്ക്രീനില് മ്മടെ ലാലേട്ടനും മമ്മുക്കയും ആളോളെ അടിക്കണ മാത്രം കണ്ടിട്ടുള്ള എന്നെ പോലുള്ള സിനിമ പ്രേമികള് തൊട്ടു അതിനൊക്കെ കട്ട് പറയാന്‍ നിക്കണ ആഷിക് അബു സാറും വി.കെ പ്രകാശ് സാറും വരെ ഉള്ള  ഗ്രൂപ്പ് ആണ് ട്ടാ...
ചില്ലറ കളിയൊന്നും അല്ല , കാര്യം ഒരു സംഭവായീ...
അല്ലല്ല, ഒരു പ്രസ്ഥാനായീ....
ഈ ഗ്രൂപ്പ് ന്ന് വച്ചാ ഒരു മാതിരി എല്ലാ  തരം ആളുകളും ഉള്ള ഒരു ഗ്രൂപ്പ് ആണ് ട്ടാ...
സാക്ഷാല്‍ ജെയിംസ്‌ കാമറൂണിന്  വരെ പടം പിടിക്കാന്‍ അറിയില്ല ന്നു പറയണ ഗട്യോളാ അതില് നെറച്ച്....
അതില് ഏതോ ഒരുത്തന്‍ ഒരീസം ഒരു ചോദ്യങ്ങട് പൊസ്റ്റി...
ഇങ്ങനെയൊക്കെ നടന്നാ മത്യാ, മ്മക്ക് ഒരു പടൊക്കെ പിടിക്കണ്ടേ ന്ന്...
സംഭവം വരീന്നങ്ങട് പോയീല്യെ???
അത് ചോദിച്ചപ്പോ ഗ്രൂപ്പിലെ സംവിധായക കുലൊതുങ്കനും അഡ്മിന്‍ പാനല്‍ അംഗവും ആയ ബില ചാടി എണീറ്റ്‌...,...
ഓന്റെ കൂടെ പെടചെണീക്കാന്‍ വേറേം കൊറേ നരികളും...
ഗ്രൂപ്പിലെ കൊറച്ചു പെര്ടെ ധന സഹായം കൂടി ആയപ്പോ സംഗതി ഉഷാറായി...
 പത്രത്തിലും നെറ്റിലും  പ്രാദേശിക ചാനലിലും എഫ്.എമ്മിലും ഒക്കെ വാര്‍ത്തകളും വന്നു....
സംഗതി പിന്നേം ജോറായില്ലേ???
ഒരു പാട് നാളത്തെ പ്ലാനിങ്ങിനും പദ്ധതികള്‍ക്കും ശേഷം 'ഒരു കണ്ണാടിക്കഥ' എന്ന് പേരിട്ട ഞങ്ങടെ ആദ്യസംരംഭം ഇന്നലെ തൊട്ടു ഷൂട്ടിംഗ് തൊടങ്ങി...



ഇപ്പൊ ഇത്രേം പോരെ???
ബാക്കി നമുക്ക് സ്ക്രീനില്‍ കാണാം, ന്താ റെട്യല്ലേ???
ഗ്രൂപിന്റെ ലിങ്ക് ദാ കെടക്കണൂ... https://www.facebook.com/groups/CINEMAPARADISOCLUB/
ബാങ്ക് അക്കൌണ്ടിന്റെ വിവരൊക്കെ ആ പോസ്റ്ററില്‍ ഉണ്ട്...
ആര്‍ക്കെങ്കിലും കാഷിടണം എന്നുണ്ടെങ്കില്‍ ഇടാം...
അല്ലാണ്ടെ എന്തെങ്കിലും തരത്തില്‍ സഹകരിക്കണം ന്ന് തോന്നുണ്ടെങ്കില്‍ ആകാം...
കൃത്യം കണക്കുണ്ട് എല്ലാറ്റിനും, അല്ലാണ്ടെ നമ്മടെ സര്‍ക്കാരിന്റെ കാര്യം പോലെ അല്ല...

പിന്നെ, എനിക്കിതില് വല്യ റോളൊന്നും ഇല്ലാ ട്ടോ...
വില്ലന്‍ ആക്കാം ന്നു പറഞ്ഞു ച്ചാലും ഞാന്‍ വേണ്ട ന്നു വച്ചു...
സിനിമേല് കേറ്ണ്ടെങ്കില് നായകന്‍ ആയിട്ട് മതീ ന്നാ ന്റെ തീരുമാനം...
എന്തായാലും ന്റെ ഒരു ഗ്ലാമര്‍ ഒക്കെ വച്ച് അതിനൊരു തടസ്സം ണ്ടാവില്ലാ ന്ന് വിചാരിക്കുണൂ...
അപ്പൊ ഈ കൊച്ചു കൂട്ടായ്മക്കും അതിന്‍റെ എല്ലാ പ്രവര്‍ത്തനങ്ങള്‍ക്കും അഭിവാദ്യങ്ങള്‍ അര്‍പ്പിച്ചു കൊണ്ട് ഞാനെന്റെ പായ നിവര്‍ത്തുന്നു, നമസ്കാരം,...
നിങ്ങള്‍ക്കെന്റെ ഹൃദ്രംഗം ഛെ ഹൃദ്യ്രോഗം ഛെ, ഹൃ (ദൈവമേ, ബാക്കി പറയാനും കിട്ടണില്ല്യാ ല്ലോ)
നിങ്ങള്‍ക്കെന്റെ കൂപ്പുകൈ...
(ഹോ, രഷ്കപ്പെട്ടു)
കൊണ്ഗ്രസ്സും കമ്മ്യൂനിസ്റ്റുമൊക്കെ കഴിഞ്ഞു, എല്ലാ എന്നോം വേഗം പോയിനെടാ, ഞാനും മുള്ളീട്ട് നല്ല നാല് സ്വോപ്നോം കണ്ടൊന്നൊറങ്ങട്ടെ...

പിന്നെയും വീണ്ടും...പിന്നെയും.....

മുഴുമുഴുപ്പ് തുടുതുടുപ്പ്
മിനുമിനുപ്പ് പതുപതുപ്പ്,
നിന്റെ കണ്ണിൽ, ഞാനെങ്കിൽ
എനിക്കു നീ പേപ്പട്ടിയെക്കാൾ ഭീകരൻ..
പുഴുവെക്കാൾ നികൃഷ്ടൻ..
മരണം പോലും നിഷേധിച്ചു നീയെന്നെ
ക്രൂരമായാസ്വദിക്കുമ്പോൾ...
ജീവൻ എനിക്കൊരു ബാധ്യതയാകുമ്പോൾ..
അടുത്തവൾക്കായി നീ വിഷം കൂട്ടിവയ്ക്കുമ്പോൾ
പേവിഷം തീണ്ടി ഞാൻ പ്രേതമായുണരുന്നു..
വീണ്ടും പിന്നെയും വീണ്ടും പിന്നെയും ...
നൊട്ടിനുണയുവാൻ എന്നെ വിളമ്പുന്നു,
ചാനലും പത്രവും...
അതും പോരാഞ്ഞ്, തുടർക്കഥകളായി
പിന്നാമ്പുറങ്ങളായി ‘തീ’ക്കടലാസുകളും
കാട്ടാളബീജങ്ങൾ മുളപൊട്ടും മുൻപേ
പിടഞ്ഞു ചാകുന്നൊരു കാലം കാത്ത്..
ഞാൻ തുടരുന്നു..
പിന്നെയും വീണ്ടും...പിന്നെയും...

(A powerful response in FB)

ഇനി ഇതും കേള്‍ക്കേണ്ടി വരുമോ???

ജയിലില്‍ കിടക്കുന്ന എല്ലാ കൊലയാളികള്‍ക്കും ക്രിസ്തുമസിനും ഓണത്തിനും റംസാനും 10 ദിവസത്തെ അവധിയും 5 കിലോ അരിയും നല്‍കാന്‍ ഊ ഛെ, ഉമ്മന്‍ ചാണ്ടിയുടെ സര്‍ക്കാര്‍ തീരുമാനിച്ചു...
വിദേശികള്‍ക്ക്, വിശേഷിച്ച് സോണിയാ ഗാന്ധിടെ സ്വന്തം ഇറ്റലിക്കാര്‍ക്ക് മുന്‍ഗണന പ്രകാരം വിനോദ യാത്രക്കുള്ള സൗകര്യവും ഒരുക്കിയേക്കും...
ജയിലിലുള്ള മറ്റുള്ളവര്‍ക്കുള്ള പ്രോത്സാഹന സമ്മാനങ്ങള്‍ ഉടന്‍ തീരുമാനിക്കാനും ധാരണ ആയിട്ടുണ്ട്‌.......,...
.
മദനിയോട്‌ : താന്‍ വല്ല ഇറ്റലിയിലും ആണ് ജനിച്ചതെങ്കില്‍ ജാമ്യം മാത്രം അല്ല തനിക്കു പുട്ടും കടലയും ഛെ, പട്ടും വളയും തന്നേനെ ചാണ്ടിച്ചന്‍..,...!!!

ഇതൊരു ''പോസ്റ്റ്‌'' അല്ല...!!!!

(ബ്ലോഗ്ഗില്‍ ഇടുന്ന കഥ, കവിത,ലേഖനം,കാര്‍ടൂണ്‍ അങ്ങനെ എല്ലാത്തിനേം പറയുന്ന പേരാണ് പോസ്റ്റ്‌, ഇനി വായിച്ചോളൂ ട്ടോ ))

.

.


പോസ്റ്റ്‌ ചിലപ്പോള്‍


തിരക്കുള്ള ട്രാന്‍സ്പോര്‍ട്ട്


ബസ്സില്‍ വരും,..



നൂറു കിലോമീറ്റര്‍ വേഗത്തില്‍


ബൈക്കില്‍ പായുമ്പോള്‍


ഒരു മിന്നായം പോലെ അവന്‍റെ


ഹൃദയത്തിലെക്കിടിച്ചു കയറി വരും,..


{ഒരു രക്ഷയുമില്ല നിര്‍ത്തി


കൈവെള്ളയില്‍ കുറിക്കുക തന്നെ വേണം }



ടി വി സ്ക്രീനില്‍


മാറി മാറി തെളിയുന്ന


പ്രണയ -ചുംബന രംഗങ്ങളില്‍


മനസ്സുടക്കിയിരിക്കുമ്പോള്‍


ചുണ്ടിലൊരു ചൂളം കുത്തി

പോസ്റ്റ്‌ കുറുകും ,...

{ഉടന്‍ പകര്‍ത്തണം, ആ 'ന്യൂജനറേഷന്‍' പോസ്റ്റ്‌ }



പടിഞ്ഞാറന്‍ ചെരുവില്‍


തലകുത്തി വീഴുന്ന


സൂര്യമുഖം നോക്കിയിരിക്കുമ്പോള്‍,...


വിരഹനോവാല്‍ വിതുമ്പുന്ന


സന്ധ്യയുടെ ചുവന്ന കണ്ണുകളില്‍

പോസ്റ്റ്‌ പൂക്കുന്നത് കാണാം


{അപ്പോള്‍ തന്നെ കോരിയെടുത്തു


താളുകളില്‍ നിറയ്ക്കണം }



വഴിവക്കില്‍ കാലിടറി വീഴുന്നൊരു


ബാല്യ സ്വപ്നത്തില്‍


മനസ്സ് ചേര്‍ത്താല്‍


മുലപ്പാലിന്റെ മധുരമുള്ളോരു


പോസ്റ്റ്‌ നാവില്‍ കിനിയും,...


{നുണഞ്ഞിറക്കണം ഉടനെ }



അമ്പല പറമ്പിലൂടെ ചുറ്റി നടന്നാല്‍


മയില്‍ പീലികണ്ണു കൊണ്ടൊരു


പ്രണയ പുഷ്പ്പം നിന്റെ


കരളിലൊരു പോസ്റ്റ്‌ കുറിക്കും


{എഴുതി വക്കണം നീയത് }



പോസ്റ്റ്‌ വരുന്ന ഓരോ വഴികളെ,.....!!! :-)



(ജിമെയിലില്‍ കിട്ടിയതാണ്, 'എന്റെ പോസ്റ്റുകള്‍' ഇഷ്ടപ്പെടുന്നോര്‍ക്ക് വായിക്കാന്‍ ഇവിടെ ഇടുന്നു)

ഈ ധോണി ആള് ഭയങ്കര ഭാഗ്യവാനാ ട്ടോ...

ഈ ധോണി ആള് ഭയങ്കര ഭാഗ്യവാനാ ട്ടോ...
മൂപ്പര് ഫോം ഇല്ലാതെ കഷ്ടപ്പെട്ടപ്പോ മാധ്യമങ്ങള്‍ക്ക് ആഘോഷിക്കാന്‍ അണ്ണാ ഹസാരെ,ബാബാ രാംദേവ് തുടങ്ങി ഒരു പാട് പേരുണ്ടായിരുന്നു...
ഇപ്പൊ ദേ ക്യാപ്റ്റന്‍സി പോകും എന്നായപ്പോ ഇന്നലെ വരെ ഇല്ലാത്ത നരേന്ദ്ര മോഡി വന്ന് എല്ലാം ശരിയാക്കി...
പിന്നെ, ടീമിലെ പത്താളും കളിച്ചില്ലെങ്കിലും കുറ്റം ഏറ്റെടുക്കാന്‍ (ചാര്‍ത്തികൊടുക്കാന്‍) സച്ചിനും കൂടി ഉള്ളപ്പോ എന്തിനു പേടിക്കണം???
പറയണ കേട്ടാ തോന്നും സച്ചിനേക്കാള്‍ കഴിവുള്ളോന്മാര് അന്ധേരിയിലും ഗോകര്‍ണത്തും കരോള്‍ ബാഗിലും ലോധി റോഡിലും ഒക്കെ ആടിനെ മേച്ചു നടപ്പുണ്ടെന്ന്...
സച്ചിന്‍ ഒറ്റഒരാള് കാരണമാണ് ഇവര്‍ക്കൊന്നും ടീമില്‍ കേറാന്‍ പറ്റാത്തത് എന്ന്...
ഇനി ഇതിനെ കുറിച്ച് 'താത്വികമായ' അവലോകനം ഉണ്ടാകുമോ ആവോ...!!!
.
വാല്‍ക്കഷണം : നമ്മടെ ഒരു പയ്യന്‍ ഉണ്ടാര്ന്നല്ലോ. ഓനെ ടീമിലെടുത്താ ബൌളര്‍മാരുടെ പരിക്കടക്കം സകല പ്രശ്നോം അതോടെ തീരും.
തല മൊട്ടയടിച്ചോ, ശബരിമലയില്‍ പോയിട്ടോ പൊങ്കാല ഇട്ടിട്ടോ എങ്ങനേലും പുള്ളി കളി ജയിപ്പിക്കും....
വഴീലൂടെ പോണ തല്ലു ചോദിച്ചു മേടിക്കുമെങ്കിലും ആള് കഴിവുള്ളോനാ...
സംശയമുണ്ടെങ്കില്‍ ആ ആന്ദ്രെ നെല്ലിനോട് ചോദിച്ചാ മതി...!!!

മുല്ലപ്പെരിയാറില്‍ ദൈവം തോറ്റ കഥ...

എഴുപതാം വയസ്സില്‍ മരണക്കിടക്കയില്‍ കിടക്കുന്ന വൃദ്ധന്‍ പ്രാര്‍ഥിച്ചു:
"ദൈവമേ എനിക്ക് എന്റെ ഇരുന്നൂറാം ജന്മദിനം ആഘോഷിക്കണം"

വൃദ്ധന്റെ പ്രാര്‍ഥന കേട്ട ദൈവം പ്രത്യക്ഷപ്പെട്ടു പറഞ്ഞു :
"നിന്‍റെ ജനന സമയത്ത് തന്നെ നിന്‍റെ ആയുസ്സ് എഴുപതു വയസ്സ് എന്നു നിശ്ചയിക്കപ്പെട്ടിട്ടുള്ളതാണ്.
നിന്‍റെ ആയുസിനപ്പുറം ഉള്ള കാര്യങ്ങള്‍ അസാധ്യമാണ്."

വൃദ്ധന്‍ : "ഓ പിന്നേ, ഇവിടെ അമ്പതു വര്‍ഷം ആയുസ്സ് നിശ്ചയിക്കപ്പെട്ട ഡാമിന്  1000 വര്‍ഷത്തേക്കുള്ള കരാറുണ്ട്...
പിന്നെയല്ലേ, എനിക്കൊരു ഇരുന്നൂറു വര്‍ഷം???"

(പണ്ട് എവിടെയോ വായിച്ചതാണ്, ഇപ്പോഴും പ്രസക്തി നഷ്ടപ്പെട്ടിട്ടില്ലെന്ന് തോന്നുന്നതു കൊണ്ട് പോസ്റ്റ്‌ ചെയ്യുന്നു)

ജീവിതമെന്ന മലയാള സിനിമ...

ജീവിതമെന്ന് പറയുന്നത് മലയാള സിനിമ പോലെയാണ്...
പ്രണയം മുതല്‍ കല്യാണം വരെ പ്രിയദര്‍ശന്‍ ചിത്രം പോലെയാ, ഭയങ്കര കളര്‍ഫുള്ളായിരിക്കും...
ആട്ടോം,പാട്ടും,ഓട്ടോം,സ്വപ്നം കാണലും,ഹോ...!!!
ഈ താലി കെട്ടി അടുത്ത ദിവസം മുതല്‍ സത്യന്‍ അന്തിക്കാട് ചിത്രം പോലെയാവും,പിണക്കവും,ഇണക്കവും, കുഞ്ഞുകുഞ്ഞു പൊട്ടിത്തെറികളും, പരിഭവങ്ങളുമൊക്കെയായിട്ടങ്ങ് പോവും...
രണ്ടാഴ്ച ഒന്ന് കഴിഞ്ഞോട്ടെ, പിന്നെ നമ്മുടെ ഷാജി കൈലാസ് ചിത്രം പോലെയാണ്...
എവിടന്നൊക്കെയാണ് അടിയും,ബഹളവും,പൊട്ടിത്തെറിയുമൊക്കെ വരുന്നതെന്ന് ആര്‍ക്കും പറയാന്‍ പറ്റില്ലാ....
പിന്നെ ഒരു മൂന്നു മാസം കഴിഞ്ഞു കഴിഞ്ഞാല്‍ സമാധാനമായി...
അടൂര്‍ ഗോപാലകൃഷ്ണന്‍റെ സിനിമ പോലെ ആകും....
അനക്കവുമില്ല, മിണ്ടാട്ടവുമില്ല,ഉരിയാട്ടവുമില്ല...
എവിടെയെങ്കിലും കൊണ്ടിരുത്തിയാല്‍ അവിടങ്ങിരുന്നോളും...
പരസ്പരം കാണുന്നത് പോലും അലര്‍ജി ആവും....!!!
കുറച്ചൂടി കഴിയുമ്പോ ബ്ലെസ്സി ചിത്രം ആകും, സെന്റി അടിച്ച് മനുഷ്യന്‍ ഒരു വഴിക്കാകും...
ക്ലൈമാക്സില്‍  ബി. ഉണ്ണികൃഷ്ണന്‍റെ സിനിമകളിലെ പോലെ ഒരു ട്വിസ്റ്റ്‌...,...
അത് വരെ പറഞ്ഞതെല്ലാം പഴങ്കഥ ആക്കിക്കൊണ്ട് ഒരു ജഗപൊക,...
അതും പോരാഞ്ഞ് റാഫി മെക്കാര്‍ട്ടിന്‍റെയും ലാലിന്‍റെയുമൊക്കെ പടത്തിലെ പോലെ 'ശുഭം' എന്നെഴുതിയ ലാസ്റ്റ് കാര്‍ഡ് കാണിച്ചാണ് എല്ലാം അവസാനിക്കുക...!!!
ഇതാണ് "കുടുംബചിത്രം".... :)

[കടപ്പാട് : സിനിമാ പാരദൈസോ ഫേസ്ബുക്ക്‌ ഗ്രൂപ്പ്]

കൂലിത്തല്ലുകാരന്‍...,...

അവനവന് വേണ്ടിയല്ലാതെ അപരന്‍റെ ചുടുരക്തം ഊറ്റിക്കുടിച്ച് നടക്കുവോന്‍ കൂലിത്തല്ലുകാരന്‍....,...
മരണത്തിലേക്ക് നയിപ്പവന്‍, സ്മരണയില്‍ ഒരു കുഞ്ഞു കാലനാം കൂലിത്തല്ലുകാരന്‍,...

മരണത്തിലേക്ക് നയിപ്പവന്‍, സ്മരണയില്‍ ഒരു കുഞ്ഞു കാലനാം കൂലിത്തല്ലുകാരന്‍,...
മെഴുകുതിരി നാളത്തിന്‍ വെട്ടം മതി കൊല്ലാന്‍, ഇരുള്‍ വഴിയില്‍ നില്‍പ്പുണ്ട് കൂലിത്തല്ലുകാരന്‍,...

മെഴുകുതിരി നാളത്തിന്‍ വെട്ടം മതി കൊല്ലാന്‍, ഇരുള്‍ വഴിയില്‍ നില്‍പ്പുണ്ട് കൊല്ലാനവന്‍,...
കത്തിയും വടിവാളും വടിയും ചങ്ങലയും നിറമുള്ള തോക്കുമുണ്ടായിരുന്നെങ്കിലും...

കത്തിയും വടിവാളും വടിയും ചങ്ങലയും നിറമുള്ള തോക്കുമുണ്ടായിരുന്നെങ്കിലും...
വേറാര്‍ക്കോ വേണ്ടി നിതാന്തം ഒരാദര്‍ശം, മറ്റോന്‍റെ വേരറ്റു വെള്ളം കുടിപ്പവന്‍,...

...(ഇനിയും കവിത തുടരും)
(രക്തസാക്ഷി എന്ന മുരുകന്‍ കാട്ടാക്കടയുടെ വരികളുമായി എന്തെങ്കിലും സാദൃശ്യം തോന്നിയാല്‍ അത് തികച്ചും മനപ്പൂര്‍വം മാത്രം, ശ്രീ.അബ്സര്‍ മൊഹമ്മദ്‌ കുറിച്ചിട്ട വരികളാണ് ഇങ്ങനൊരു ആശയം തോന്നിച്ചത്)

മരണാനന്തരം കസബ്...

യമപുരിയില്‍ എത്തിയ കസബിനോട് , ചിത്രഗുപ്തന്‍ :

"നാലു വര്‍ഷമായി നിന്നെ ഞങ്ങള്‍ കാത്തിരിക്കുകയായിരുന്നു. ഇന്ത്യ ഗവണ്മെന്റിന്റെ ഒരു കാര്യം....!

അവിടെ ജയിലില്‍ സുഖമായിരുന്നോ ..? ".

കസബ് : " പരമ സുഖം. അവിടെ ജയിലാണ് സ്വര്‍ഗ്ഗം. ചിക്കന്‍ ബിരിയാണി കഴിച്ചു മടുത്തു. ഇവിടെ നരകത്തില്‍ കഞ്ഞിയും പയറുമാണോ..?. ഞാന്‍ ഇവിടെ ഒരു മൂലയില്‍ ഒതുങ്ങി കഴിഞ്ഞു കൊള്ളാം."

ചിത്രഗുപ്തന്‍ : " വേല കയ്യിലിരിക്കട്ടെ. സാധാരണ തീവ്രവാദികള്‍ക്ക് ഞങ്ങള്‍ പ്രവേശനം കൊടുക്കാറില്ല. എപ്പോഴാണ് നമുക്കിട്ടു പണി കിട്ടുന്നത് പറയാന്‍ പറ്റില്ലല്ലോ. പകരം നിന്റെ നാടായ പാക്കിസ്ഥാനിലേക്ക് തന്നെ മടങ്ങാം. നിന്റെ പഴയ പണി വീണ്ടും തുടങ്ങാം. നിന്നെ തൂക്കിലേറ്റിയ ഇന്ത്യക്കാരോട് പ്രതികാരം ചെയ്യേണ്ടേ...?"

.

കസബ് : " ചതിക്കല്ലേ ഏമാനെ...! പക്കിസ്ഥാനിലോട്ടു പോയാല്‍ അവര്‍ വീണ്ടും തിരിച്ചു ഇങ്ങോട്ട് തന്നെ വിടും. പകരം ഇന്ത്യയിലേക്ക്‌ ഒരു രാഷ്ട്രീയക്കാരനായി അയച്ചാല്‍ മതി. അതാകുമ്പോ, സുഖമായി ജീവിക്കുകയും ചെയ്യാം. ഇന്ത്യക്കാരെ മുഴുവന്‍ കൊള്ളയടിക്കുകയും ചെയ്യാം.

ചിത്രഗുപ്തന്‍ : "നീ ആള് കൊള്ളാമല്ലോ, എന്തായാലും നിന്റെ ആഗ്രഹം ഞാന്‍ നടത്തിത്തരാം . ഇതാ ഇന്ത്യയിലേക്കുള്ള വീമാന ടിക്കറ്റ്‌. "

കസബ് : "വളരെ ഉപകാരം".

ടിക്കറ്റുമായി കസബ് യമപുരിയിലെ എയര്‍പോര്‍ട്ടിലെക്ക് നടന്നു.

ഇതു കേട്ടറിഞ്ഞു വന്ന യമരാജാവ്‌ ചിത്രഗുപ്തന് നേരെ കയര്‍ത്തു.

യമരാജാവ്‌ :"ഇതിനു മാത്രം എന്തു ക്രൂരതയാണ് ഇന്ത്യക്കാര്‍ തന്നോട് കാണിച്ചത്‌ ..?പാവം ഇന്ത്യക്കാരെ ഇങ്ങനെ ചതിക്കരുതയിരുന്നു "

ചിത്രഗുപ്തന്‍ : "അവന്‍ ഇന്ത്യയില്‍ എത്തിയത് തന്നെ. അവനു പോകാന്‍ കൊടുത്തു വിട്ടത് എയര്‍ ഇന്ത്യ എക്സ്പ്രസ്സ്‌ ന്റെ ടിക്കറ്റാണ് !. ഇനി അവനെ ഏതെങ്കിലും ഉഗാണ്ടയില്‍ പോയി നോക്കിയാല്‍ മതി"








എനിക്ക് ജിമെയിലില്‍ കിട്ടിയ ഒരു മെയില്‍ ആണിത്‌ . അതിലെ തമാശ കണ്ടപ്പോള്‍ ഇവിടെ പോസ്റ്റ്‌ ചെയ്യാമെന്നു തോന്നി... . കടപ്പാട് വയ്ക്കാന്‍ ആരുടെതാണെന്നും അറിയില്ല. എന്തായാലും ഇതിന്റെ സൃഷ്ടാവിന്റെ ഭാവന അപാരം..